كاسب اعجابك لشاعر خالد المحسن

 

يافاتنه سكر زياده وسكر شوي=ابن الذيب

رب أخ لم تلده أمك في هيئة خوي
ما تنتهي مدته و لا صلاحيته
و أنا ويش ابغي من الشخص القويم السوي
الا احترامه لشخصي في علانيته

و النفس قد تنطوي على ما قد تنطوي
ماني بربه أعرف اللي في نفسيته

حديث خير البشر في شرحه النبوي
أعمال كل امرئ على حسب نيته

و أنا مثل من طموحه للعلا منتوي
ولا تعدى طموحه حد سطحيته

لكن لو أن راس مالي فالبنوك ضغوي
حمدت ربي على نعمة عبوديته

مثل الشبح الأحمر اللي عند مصطفوي
اللي فريد فتركيبه ونوعيته

عشقت لي بنت وأثر الليل ليل سروي
وان راح الليل دربي ويش تاليته

واثر الغرام الذكوري كنه الأنثوي
متفشي وكل منهم فيه خاصيته

قالت من أنته قلت رجال بدوي
ثقافته ما هي تعارض على حبيته

سحاب له ضجيج ودوي
يا ما اشر بغترته وطاقيته

جباننا لترفع سهم المنايا يا وي
يظهر له بموقف تفخر به بنيته

قالت من رجال يام مزبنين الخوي
قلت ولد عم بن حثلين وحميته

قالت يا جن الغلا لو شفت ذيب يعوي
قلت أتعشاه لعيونش يا جنيته

لكن ظلم السنين وقلبي المكتوي
تثر علي خوة الطيب وعقليته

وقريحة الشاعر المبدع ما هي ترتوي
ويثبت احساسها حسب مزاجيته

يا فاتنه سكر زياده وسكر شوي
ابشرب زيادته وابشرب شويته

تعبت أسدد فوائد حبك الربوي
والحب أناني ولا يدري بأنانيته

أحلى بنات المدارس ثالثه ثانوي
ذراي قلبي وقلبي له نظريته

عن خلقها لو درا وزيرنا التربوي
خلا من أخلاقها منهاج تربيته

في وجهها الأمتحان الصعب الشفوي
سماحة أب القتيل اللي رفض ديته

وفي جيدها لذة المدن فعيون قروي
وفقلبها طهره وطيبه وعفويته

على شفاها مخارج اسمي اللغوي
وسويكي حروف اسمها في ميداليته

هي همي الشهري وتحصيلي السنوي
المثقل بنزوات يوميته

احتلت احساس خفاق ما حوله ذوي
وأعضائي الباقيه تطمح لشرعيته

يا جعلها تعيش حتى عقدها المئوي
وتشارك القلب في فرحة مئويته

وصالها دموي وافراقها دموي
كن هتلر مورث الها من دمويته

الشين ف أتفه زوايا حسنها منزوي
بالعكس تشكي ظروف القهر أقليته

والا على الزين حيل الله يا قلبي قوي
الزين هي موطنه الأصلي و جنسيته

في جيدها فوضوية شاعر فوضوي
وفعينها قسوة الفارس وحنيته

خذيتها من يديني وجات تهوي
وصارت في يدي ما هي حيه ولا ميته

لو اني الشجره اللي للغصون تحوي
ما فيه غصن ماهي دابه ولا حيته

لو انها الألتهاب القاتل الرئوي
قلت الوعد جنة المسلم يا حوريته

ايعزها الشوق لين تخضر وتستوي
وتعيش من حسنة المسلم ومن سيته

واثارها بنت حوا فاتنه وتغوي

ياميتين المشاعر ابن الذيب

انا لوزع علـى النـاس iiابتساماتـي
ياميتيـن المشاعـر ويـش iiيحييهـا

حقـك علـي مادسملـي شنبـاتـي
وفعايـل النـاس ماتشبـه iiمباديهـا

والفرصه امواتيه والطـاري iiامواتـي
والشعـر حاجـه تعنينـي وعنيـهـا

لاكن ماهـو يعبـر عـن iiمعاناتـي
الا اتعبـر عـن الدنيـا iiضواحيـهـا

ولى تحرش هجوسـي فـي بونياتـي
تطابخـت روس عجميهـا iiوياميهـا

ومن تجربت ربع قرن عاشها iiذاتـي
مكـل فرقـن يهـز القلـب iiطاريهـا

والا أمبرطـورة الخافـق iiومشهاتـي
اطربـخ فبركـت الخفـاق iiرجليهـا

ياول محطة غرامـن مـن iiمحطاتـي
ليالـن جمعتنـي فـيـش يسقيـهـا

أجيـش وانـا كبيراتـن iiطموحاتـي
وروح وانـا محثلـهـا ومعطيـهـا

وان كان حبش من اوسوء الاحتمالاتي
كل الاحتمالات فيهـا اشـوف لبيهـا

وعليش قلبـي ورا لضـلاع iiماباتـي
ولا يقـرب لديـارش يـوم انويـهـا

يكود جمسـن ماترهبـه iiالمسافاتـي
أملكعـن بـاول الدنـيـا وتاليـهـا

منحره لقبل مـع خشـم iiالطويلاتـي
منحر ذلولـن تـزول بكبـد iiراعيهـا

ومرايتينـه دون كبوتـه عريضاتـي
كفوف ايمامن معه دعـوه ويدعيهـا

والهولـي يبـخ وبلوفـه iiبلوفـاتـي
ايـولـع الـنـار والا iiمايطفـيـهـا

مابينه وبين اهـل نجـدن iiعلاقاتـي
لاهـي أدانيـه ولا هــو iiيدانيـهـا

وصوته لاريح بنمـره عقـب iiزتاتـي
تنهيتت اللي صدوق العشـق iiكاويهـا

اتناحـي هـل المحـبـه iiبتنهـاتـي
ولالقـت فالمحبـه مـن iiيناحيـهـا

ورفارفـه يـوم يصفـق iiفالمطباتـي
أردوف بنت ٍ مـن النعمـه iiأدربيهـا

الى نطحهـا هـوى هيفيتـن iiعاتـي
تحسبنـه مـن الــزود iiأمتقفيـهـا

ومساحتينـه لاقامـت تقبـل iiوتاتـي
أصبع عجـوزن كثيراتـن iiدعاويهـا

عليه الاحياء تدخـل جـو iiالامواتـي
وعليه الاموات مدري ويـن iiاوديهـا

يوم اتفلـت علـى الطرقـه تفلاتـي
ضعاف لنفس علـى الفتنـه iiيجريهـا

الجكـور اكبـر اعيالـه iiوالبنيـاتـي
الكزس والبرش وال بـي ام وأخيهـا

وان قلت يا الجيب خاوه قال iiماحاتـي
لاكـن ديـره يواليـهـا iiماوليـهـا

يشـرب فناجيلـي ويكسـر iiأبيالاتـي
ويمد رجلـه علـى دربـي ويثنيهـا

وان قلت يا الفرت قال الفرت iiسكاتـي
بعض الطواريـق مـاودك iiتلاحيهـا

الجمس ابداع مـن كـل أ iiتجاهاتـي
كنه قصيدتك هذي اللـي علـى iiأيهـا

امصـدرن للفجيـره بسـم iiكرواتـي
يدرس علوم الطبيعـه فـي iiنواحيهـا

وشراه واحد سعودي مـن iiأماراتـي
وباعه على حضرمين رايحـن iiفيهـا

والحضرمي كل ماخزن أمـن iiالقاتـي
الحاجه اللـي علـى بالـه iiيسويهـا

الى بغـا يرهـب كبـار iiالحكوماتـي
رجله على قطعة الفرجـه iiأمضريهـا

والا خواطر خفوقـي واخـر iiأبياتـي
قصايدي كـل أبيهـا قـد iiسمعتيهـا

اي والله اني عشقت أرضـاش iiبذاتـي
مابـه مساحـه بقلبـي مامشيتيهـا

يهنيلـي العـذب يادجـلاي iiيفراتـي
ياديـرة الحـب شارعهـا iiوكبريهـا

يبلغ قصيـده عليهـا مـن iiحركاتـي
مايجذب الدهشه لعـي نـي iiقاريهـا

الى أنتثر دمع عينش سوي iiأسواتـي
قولـي بكمـش كذيـا ثـم iiمشيهـا

الحزن يوم المفـارق عاملـن iiذاتـي
فطـره فالانسـان مايقـدر iiيخليهـا

ابن الذيب

ياحسن من عادني طفل مانيب أسمي
معظم الأشياء باسماها وقدني صيه
كل ماقالوا عروبه قمت أشمر كمي
العروبه سوقها طايح على ربيه
اسمع بقومية معمر وذبح الذمي
لكن الذمي بخير وماتت القوميه
بس أنا من هل قطر ولانيب مهتمي
لي مع بوش الابن علاقة شخصيه
عندنا أكبر قاعده تشرب زحاح السمي
يعني امريكا خويتنا ماحن بشويه
أي واحد منكم يحاول يفور دمي
والله ان أعلم القوات الأمريكيه
مشكلة شاعركم انه مايخص يعمي
تختلط الأفكار والشرهه على النفسيه
ابردي يالهفة الجمهور والا حمي
مستعد أضحك الجمهور في مرثيه
وياهجوسي نمي الفكره وانا بنمي
دهشة الجمهور من تركيبة القافيه
من ثمان سنين أبغى اكتب قصيده فأمي
بس أخاف الرجال تقول وش داعيه
وانته جنوبك كبار وعظمك الملتمي
مايساعد هيكلك أصلا على الحنيه
لين مره من حدى المرات لدت يمي
غترتي في حضني ومدري وين الطاقيه
قالت محمد وقلت عروق قلبي سمي
قالت محمد وقلت العز ياطاريه
قالت العجمان لو تطمع بشربت دمي
وش تسوي وانت عجمي فامك المريه
قلت لاتموتين والا مت شيلي همي
يافديت رجولش الثنتين يارهابيه
دوريلي ثار مايمتد لابنا عمي
ماهيب لحية بني عمي قالت لي هيه
انحري عود الضلوع الكايدات وزمي
واسكني قلبي بحد السيف والشبريه
وخلي اذنش ثابته واللي تسولف فمي
والله ان اذبح من العجمان لش عجميه
ويمكن أطلع ابي من قبره المنطمي
وأذبحه تسعين ذبحه بالدموع الحيه
أذبحوني يآل مره واستبيحوا دمي
والله ان اموت وانا احب لي مريه
لاحد يفهم خطا ترى القصيدة في أمي
قلتها وانا حزين وجت تلقائيه

بسم الله الرحمن الرحيم
أسعد الله أوقاتكم بكل خير
مـصافحة .. أتمنى ان ترتقي لذائقتكم ...
قصـيدة .. ليست بالجديدة .... وكلي أمل بأن تحوز على شيء من رضاكـم (( يـا بنت شــقرا ))
يابنت شقرا لـك عظــيم الـــتحايــا
 أرسلك الأشواق يابنت بالحــــال

غلاك عندي واصــلن للنــــهايــــا
 غلاك أغلى من غلا النفس والمال

سبحان ربــي كـمّـلك بالمــزايــــــا
 طبعن سنوع ، ورمشك السيف قتال

فيها جمالن ، بهذل أم الصــــــبايــا
 والله يبطن ماوصــلن حبــة الخــال

ياكيف أبحــكي والحــكايـا حكايـا
 أغلى البشر ، والحق لابــد ّ ينقال

لاشفتها كــنــّي لمحت الســـرايــــا
 والرمش قايد ، والهدب سيد الأبطال

لاشفتـــها يزداد عض الشفـايــــا
بأسـبابها قلبي غدا فيه زلزاااال

مثل القمر هالبنت ، فوق البرايـــا
 كلن يشوفه ، بس توصلـّـه امحااال

تسـكن بدمي بين هاك الخـــلايـــا
 مابين قلبــي والرئه ، حيل تخـتـال

مــيدانــهـا ياناس داخل حـشايـــا
 مهرة أصيله ، ما تبي أي خـيــّـال

أقـــداري يادنيـاي أغـلى الـهدايــا
 ياليـتـني حـبـيـتـك بعمر الأطــفــال

يابـنـت شوفـك صدقـيـنـي دوايــــا
 لو فيني هـمّـن عـجْـزت اتشيله اجبال

قربــك أمـاني ، وابـتـعـادك مـَـنـايـا
 ووجودك بجنبي ، رفع ضغط عذال

ما أسـمع أبدن فيك كلمة وشـايـــا
 قاموس حبي ، مابه القيل والقال

ودي أعيـشـك واسـكنـك ياهوايــا
 واتنفس انفاسك على مرّ الأجيال

أنتي وبـــس اللي ابيــها معايــا
 وأبي أحبك حب ممزوج بهبااال

لو جاتني نجوى ودينا ومايا
 والله ما يسوون ياعمري ريال !!!
 -- وسلامتـكم --

فرسان الدماسين وهم اربعون فارس

اربعون فارس من قبيلة الدماسين من عتيبه شهد لهم التاريخ في الزمان الماضي
بل هم من اشهر فرسان قبيلة عتيبه كماشهدلهم الغزوات والوقعات التي كان لهم فيها
الدور الفعال في النصر والقوة والشجاعه وكسب الابل والاموال رحمهم الله جميعا



1/ فراج التويجر
2/ عليثة الوهاب
3/ شارع الوهاب
4/قاعد الوهاب
5/ مطلق الحويقل
6/ متعب الشغار
7/ فيصل الشغار
8/ فاضي الوهاب
9/عارف الخميل
10/ رفاع التويجر
11/غانم الوهاب
12/مزيد بن صعب
13/خونان العبري
14/مشعان العبري
15/ سعيد العباري
16 /ناصر الشغار
17/محمد الشغار
18/مشعل السامود
19/ عليان السامود
20/طنف السامود
21/ حرقان الوهاب
22/ عبيد الوهاب
23/ محسن الوهاب
24/ مشرع الوهاب
25/مسمى بن ضويان
26/برغش الخميل
27/ بريك بن عليبي
28/عيد الشغار
29/مفيز بن عزاب
30/غازي الوهاب
31/معتاد الوهاب
32/زبن الشغار
33/حدجان الشغار
34/بادي الابلم
35/محمد الابلم
36/ضيف الله الوهاب
37/تني الجحفة
38/عقاب الجحفة
39/شاهر التويجر
40/ سلطان الشغار

انا اغخر شخص يتراجع عن اقواله

أنآا آآآخر إنسآان يتراجع عن أقواله \\<~

واضح كلآامي و أدري فيك فآهمني

لآا عاد تنشد على قلبي و أفعآآآله



أرجوك كآفي دخيلك روح و فآرقني

حيرآآن قلبي معآك وحالته حاله



مآا كآان له دآعي تحرجني و تلآاحقني !!

داريت حبل آلوصّل و إنقطعت حبآله




لآا قلتلك " لأ " يعني لآا تنآقشني

أنآا آآآخر إنسآان يتراجع عن أقواله




إحفظ كرآآمة غلآااااك ولآا تناظرني

لو صار قلبك ذهب [ مآا أقبل وصاله ]



صبرت يامآا و كآان آلصّبر جآآآرحني

" أضحك و عيني تصب آلدّمع همّآآآله "




نآآاديت و غير آلصدى مآا أظّن سآامعني

عانيت لجلك و قلبك [ مو على بآآآآله !! ]




و آلحين لمآا نسيتك قلت : وآآآحشني ؟؟

تسأل عن أخبآار قلبي و آخر أعمآاله ~




لآآ و الله طيّب و فيك آلخ ير ~{ فآاقدني ؟

|[ تعّبت نفسك / و قلبك تارك أشغاله ~




لآا تحلف إني على بالك و ذآآكرني

آلح ُب صعبه على قلبك وأمثاله




و إنّ كآان فعلا ً بوجهك دمّ " فآآآرقني "

ولآا تقول صدفه لقيتك هذي مو حاله

مقر على هجرك

لو مات من حبك ترى العمر يفدااااك،،،
قلبي كريم وبالعطا دوم يعطييييك

صادق حنانه والوفا كله أعطاااااك،،،

مامر يوم نسى فيه القلب طاااااريك
لوغبت عني لحظه العين تبكييييك،،،

ياليتني حلم يزورك ويأتييييك
ويشرح لك إحساس ومشاعر ترجاااااك،،،

ليتك تشوف القلب وشلون يغلييييك
شهيد حبك قلب يرتاح لرضاااااك،،،

قلبي وزمانه والعمر قام يشكيك
ولقاضي العشاااق وقف وشاكااااك،،،

قصص الوهبه من الدماسين من العضيان

اشتهرت هذه الاسره من قبيلة الدماسين من العضيان في القرن الماضي بالفروسيه والشجاعه

ايان كانت الجزيره العربيه حروب وغزوات بين القبايل فكان لهم الموقف المشرف والبطولي مع

قبيلتهم وسوف اذكر لكم بعض من غزواتهم وقصائدهم لاحقا



يسرني ان اتكلم عن الوهبه فهم الشيخ عليثه بن سعيد الوهاب والشيخ غانم بن سعيد الوهاب وابنائهم

والذي قال فراج التويجر



البيض فال مزيد والامير****** وعليثه اللي فلقا زادي

ومحمد اللي مايعرف ينير***** مريح الوندا للاسنادي

ابن صعب مروي الكعم والضير*** على الخطا والا على القادي



وكان عددهم 9 واشتهروا جميعهم بالفروسيه وكان ابرزهم واكبرهم


الفارس المعروف الشيخ شارع الوهاب الذي عرف في قبيلته بالراي السديد والشجاعه والحكمه وهو

من ودا خيلهم سمحات بعد ماطلبها عبدالعزيز الى ابن احميد وافتكها ابن احميد وهو من افتك منعا

الحروب بعد مقتل الضيط وله العديد من الغزوات الذي لا يمكنني ان احصيها

وقد اتاه الشيخ هذال بن فهيد وطلبه الفرس سمحه ليغزي عليها بن مريخان الحربي واعطاه اياها

وغزى ابن فهيد وقتل بن مريخان في متعرضات غرب الرس وغنى زيد بن بلهود الجميلي الحربي




الغوج معجبني بزين الساق --- يالله لاتردي النصيب

اما لحقنا سابق الوهاب --- يحرم علاها شربت الحليب



وهو الذي قال فيه مطوع

نفي




النجر سامه شارع الوهاب***** سامه وكثر مير انا عييت

يالله لاتتكل على الاسباب***** ان كان بعت النجر بعت البيت




وكذالك الفارس المعرف قاعد الوهاب والشاعر الذي قال الكثير من القصيد وشارك في الكثير من

المعارك وساهم في توحيد الجزيره العربيه وقد اعطاه الملك عبدالعزيز بلده مغيب لولا ان رفضو

جماعته رحيله وارسل معه الملك عبدالعزيز معه الشيخ ابن حسن يدعو الناس ومكث في بيت الشيخ

قاعد الوهاب عامين يدعو المسلمين للحق وسوف اذكر القصيد في مابعد


الفارس عبيد الوهاب وهو من ابناء الشيخ عليثه الوهاب الكبار وله الكثير من الغزوات وفي احد

غزواته قتل رجلين بطلقه واحده وهو بواردي ليس له مثيل


وكذالك حرقان الوهاب وقد عرف بعزوته محرق وهو الذي قتلت سمحه فرسه وكان قاتلها الفارس

مطني ابن شريم ذالك في غزوة عصيم وهو كون ابن رشيد على العضيان وقام فاضي الوهاب بقتل

النجباوي الشمري وقلع حصانه ذالك اليوم وعطاه حرقان

وقال الشاعر مقبل الدماسي



ترمي فلاها الخيل من فعل حرقان*** لاطار ستر منقضات الجديله

بيام فيها يعوي الذيب سرحان ***** والوقت قاسي والمراجل قليله

واذاعها الحاكم على قصر برزان****** قولن مثبت والحقايق دليله

وليا عطو يعطون غالية الاثمان ***** ذلول ولا بنت اصيل من اصيله

وهاذي فعايل لابتي يوم الاكوان***** ومن لا يثبت حجته ويش هيله



ومن ابناء عليثه ايضا الفارس ضيف الله وكذالك قعدان ومشرع وشباب ومعتاد وهم لايقلون فروسيه عن اخوتهم

فاضي ابن غانم الوهاب وهو ابن اخي عليثه وقد عرف هذا الفارس بقوة بائسه وشجاعته وهو من

كسر قفل باب المجمعه عند ماكان الدويش محاصر من الملك عبد العزيز وخاض الكثير من المعارك

التي لا استطيع ان احصيها وشارك ابنه الفارس غازي الوهاب معه في الكثير من الغزوات حتى قتله

الملك فيصل في حج الرمي عند ما قتل غازي بعير ملك مصر هديب الشام وقطع يد حشر ابن حميد في

ذالك اليوم وكذالك اخيه محسن ابن غانم الوهاب وهو فارس شارك في الكثير من الغزوات ومن

ضمنها الغزوة التي قتل فيها احد ابناء الشيخ ناصر الشغار وذالك على السقايين وعلى ماعتقد انه عيد

ابن ناصر الشغار

سوف اكتب بعض قصايد وحداء الشيخ قاعد الوهاب

الحداه المشهوره بوادي الهييشه



وادي الهييشه حل ابه قطعان***** ومطولات ناحرن لسهيل

ان كان حرب اقفو على فحان****** وش التبدويله وركب الخيل


وله ايضا



حيد الردامي بالحيا مذكور****** مالة عشايرنا علاه

غصبا على اللي ياسم الباكور**** من نبتته محدن رعاه

ولعيون وضحا ننطح الطابور***** والروح تدبيره على مولاه




وله ايضا رد على الحربي الذي يقول في عفاس ابن محيا




يبي يداوي علته عنفوش *******مارد سلفتنا علانا العام

نركب على اللي كنهن وحوش***** ومن طاح قدم انحورهن ماقام




فقال قاعد الوهاب راد عليه




لياركبتو علي اللي كنهن وحوش **** نركب على مثل الادام

ونردكم رد البقر في الحوش ****** من شان عشب في الهيشه زام

ونعطيكم اللي تلفظ الناتوش******* هند يفص العظام




وقال في ناقته الحجباء




الا ياليتني حاضرك يالحجباء قبل تقفين --- انا بفداك والا فدابك اللي يلبس التومان

غزيتك في اوجيه اللي على الساقه معييني --- والا وا بكرتاه ان كان راحت عند بن عيبان





وكما قال مرثيه في اخيه مرثيه في اخيه الفارس قعدان الوهاب عند ماقتلوه الدراويش من مطير يوم

اخذو ابله وليس عندها الا هو وكان معه علي الزقاعى حربي فلحقهم ورد اباعره دون ان ينقص منها

شي ويوم رجع لقى احد جماعته قد اخذت ابله وهو بريك الدماسي فراح ولحق القوم وقتل منهم اربعه

ونزل عليه واحد منهم وقتله فقال اخوه قاعد فيه



حتيش لو قالوا علينا ضحى العيد ****** عيد بلا مضنون عيني خساره

البدو يا مشرع يبون المسانيد ****** وانا ثمر قلبي قعد في الزباره

مع درب بوش روحوبه هل العيد ******* يوم اعترضهم ياعلي راح شارة

اخوي والله مايعرف التسانيد ******زبن الحصان اليا سقط في المغاره

وخوي عبد اللي نهار المواريد ****** ولا قط جاني في كلامه غياره

وكم رد على ابا السماني المطيري عند ما قال في الضيط ومحماس الشغار




ابرها وحلبلها الثنتين ***** الله يخطريها عيون الناس

اضربهابالرمح ابوضيرين *** في الضيط والا في ضهر محماس


ورد عليه قاعد الوهاب قائلا



الغوج معجبني وركضه زين --- غاذيه من شول بعيد ارماس

يلي تمن ذبحة الشيخين*** ذبحك على يمناك راح انجاس

ان جيتنا حنا ذرور العين **** ون رحت منا ناحرن عفاس

نبا ندور هادي ابن حسين**** اذن يبرد عني الهوجاس

وياطول صبري صابر عامين ** الله يهي منكم المخلاس




قصيده عديمه بنت فيصل الشغار في زوجها الشيخ عليثه الوهاب





ياقد ّ جيبي قد لاعدت مـن قد

---------------------------------- يوم الركايب جـن والعبـد يتليـه

اثـره قتيـل ٍ فوقهنّـه مشـهّـد

---------------------------------- عليت ياللي مقد ّم الرّ مح ترويـه

عز ّي لخد ّه ياقعيّـد مـن الخـد

--------------------------------- لو إن مثلـه ينفـدي كـان نفديـه

ليا جا حقيق الموت ماعـاد ينـرد

-------------------------------- ليته وصل كبشان والا ّ حراويـه

ياماعطى من سابق ٍ لجلهـا مـد

-------------------------------- ومن مصعب ٍ دنّاه للشيل راعيـه

ليا جا رباع ولاح وسمه على الخد

-------------------------------- ماقال رد ّه أو جعف وثر راعيـه

مامهـدن ّ البيـض مثلـه يمهـد

------------------------------- بارياه ولا نجـد ماهـو بحاميـه











وقصيده مشرع بن عليثه الوهاب في اخوه الفارس حرقان الوهاب والفارس فاضي ابن غانم الوهاب



يالموت جنب عقب فاضي وحرقان *** لاعاد تطلبنا ولا لك مطاليب

حرقان خله عند حلوات الالبان *** ضمن الهن ون جات دق العراقيب

خله يفليهن على خشم جمران --- ماطمنت عرجا على خف ومغيب

وفاضي يقديلك زعازيم الاضعان --- وفاضي يعشيلك هل الفطر الشيب

وفاضي الليا جيته والبا عمسان *** يضحك كما تضحك الام لصيب

ويحيسفي بالحسف يابو دغيمان *** وباقي الجنايز كبها ياتراحيب







قصيده عديمه بنت فيصل الشغار في ابنها الفارس حرقان الوهاب واخيه قعدان الوهاب




بغيت اروح يوم خربوش جاني --- والا امسي الا عند حام الونيه

زبن الدوح وزبن راع الحصاني --- يفرح به اللي يابسات شفيه

واما لقيته عودوبي يماني ---- للي مقابل روضه العوشزيه

مانساة ياكوده من الشيب فاني --- والا يحطون النصايب عليه


قصيده مرثيه مشرع الوهاب في اخيه الفارس قاعد الوهاب



واصاحباه اللي نصى المرقبيه --- ماشفت زوله بادي في حجاها

ليته نصى حشاشه الطارفيه --- ولا هضاب الخيل باغي حماها

وياونتي ونت خلوج رذيه ---- على طلوع سهيل توحي رغاها

علاك يامقدم خطاة السريه --- ليا ناطحت خيل لخيل قضاها

ذباح كبش اللي تذارف صفيه --- مع دلة ريح العويدي علاها







قصيده منيره بنت الشويب الجذع في زوجها الشيخ فاضي الوهاب وابنه غازي الوهاب




يابنت ماني عند قلبك ووصيه --- حاذور من وقعه ردي الهقاوي

ترى عشيرك بينات مواريه --- وترى مناقعنا خيار البداوي

يجيك سيفه في متونه معرويه --- ولا يقرب من حلايا الجناني

فاضي ليا حضر الطلب رد مافيه --- يفدهم فده فحول المتالي

وغازي غرير جاذبينه عوانيه ---- ليا جاء نهار فيه حس المثاري

ولا حسود الجود يابنت خليه --- تقللي يابنت حام التوالي

يشرفني ان اروي لكم سالفه سمحات خيل الوهاب عند ماطلبها الملك عبدالعزيز


طلب الملك عبدالعزيز من الوهبه خيلهم لمعرفته باصلها وطيبها وكانت

الخيل في ذالك الوقت لاتقدر بمال فلما طلبها جمع الشيخ/ شارع

الوهاب اخوانه وابن عمه فاضي الوهاب وقال لهم وش رايكم في طلب

عبدالعزيز فقالوا له ليس لنا حياه بدونها فقال لهم اجل لن يفتكها الى

ابن حميد فركبوا عليها شارع وفاضي وقاعد وعبيد وغازي بن فاضي

ومشرع وقعدان وشباب وكان تاسعهم صانع الوهبه واسمه محسن

فذهبو الى الشيخ محمد بن هندي وزبنوه الخيل وقال شارع يامحمد بن

حميد حنى داخلين عليك بالخيل لاياخذها عبدالعزيز فقال ان شاء الله

وهو يقوم ويرسل عياله الثنين لعبدالعزيز ويقوم عبدالعزيز ويسجن عياله

وهويقوم بن حميد ويجمع مشايخ القبيله وقال وش رايكم الوهاب

دخل علي بخيله وعبدالعزيز مخيم على شقراء والدويش معه وعيالي عنده قال احد الحاضرين

ارسل خيل الوهاب لعبدالعزيز ورحع عيالك وهي تطلع زوجه الشيخ

محمد بن هندي قالت يامحمد عيالك غسل ليل

لاتودي خيل الوهاب لعبدالعزيز قال اسكتي ياحرمه وهو يقوم وينادي


شديد الحثري العصيمي وبادي بن كامل المقاطي قال ابنو البيت المروبع

وجمعوا الريجيل وزعوا

البنادق عليهم وهم يقومون وينفذون ماطلبه منهم وكل يوم يعرضون قدام

ابن حميد وعند ما تباطى الملك عبدالعزيز ابن حميد ماجاه في عياله

ويرسل مرسول وهو يجي متنكر ويجلس في مجلس ابن حمبد ويوم

شاف العرض قدام ابن حميد والقوه والخيل ويروح يبلغ عبدالعزيزبماشافه

قال عبدالعزيز اكسوا عيال ابن حميد وارسلوهم لبوهم وقولوله انا جاينه

في بيته ونبي نزوره هو وقبيلته قال الدويش خلنا نغزيهم ولا ذليت قال

والله لون هم اللي معي لغزيك ولو اغزيهم وننكسر اول ماياخذني انت

فجاهم الملك عبدالعزيز وكرمه الامير

ابن حميد وغداه قال عبدالعزيز وين سمحات يامحمد قال موجوده وهي

تعرض قدامهم والوهبه عليها وافتكها الامير محمد ابن هندي وهذه هي

القصه ياخواني وشكرا